Resumen de Nacemento e desenvolvemento dun servicio público esencial: O abastecemento de auga na cidade de A Coruña, 1903-1936

Alberte Martínez-López, Carlos Piñeiro Sánchez

• A creación e desenvolvemento do abastecemento de auga na cidade de A Coruña amosa unhas características bastante similares ó acontecido noutras cidades españolas. A fase de efectiva posta en marcha dende que se efectúa a concesión resulta dilatada e problemática. Terá que ser o capital bancario local o que lle dea un pulo definitivo ó proceso, ante a incapacidade financeira e xestora municipal. Logo dunha década de conformación do servicio básico e de exitosas presións para modificar os hábitos tradicionais de consumo (con apoio do concello), a empresa coñece unha forte expansión durante os anos vinte e principio dos trinta, sen que a depresión daqueles anos semelle terlle afectado significativamente.