Izarne Lizaso Elgarresta, Manuel Sánchez de Miguel
Erretiratuen soslai berriaren inguruan hainbat egilek egindako ekarpenak aintzat hartu dira ikerketa honetan. Hain zuen ere, egun, egile batzuek erretiratuen soslaiaren aldaketaz hitz egiten dute. Ideia hori adierazteko, hainbat kontzeptu erabiltzen dituzte, besteak beste, erretiratuen soslai berria (Canes eta Garc?a, 1989), zahartzaro berria (Bazo, 1992; 1996; 2000) eta erretiratu berria (De Zayas, 1996). Erabili beharreko kontzeptuan ados ez egon arren, egile horien arabera, egungo erretiratua aurreko belaunaldietakoengandik bereizten da eta zenbait ezaugarri zehatz ditu: baliabide ekonomikoak izatea, hezkuntza-maila egokia izatea, gazte erretiratzea, osasun-egoera ona izatea eta jarduerak egitea, besteak beste. Egungo erretiratuak hainbat ezaugarri berezi eta esanguratsu dituela jakinik, gure proposamena erretiratuen soslai berriaren balizko ezaugarri soziodemografiko eta psikosozialak aztertzea da egungo erretiratuaren ezaugarriak izan daitezkeenak deskribatzeko.
© 2001-2024 Fundación Dialnet · Todos los derechos reservados