Resumen de A República Moldava Pridnestroviana: un problema irresoluble?
Sen recoñecemento oficial por parte da comunidade internacional, a República Moldava Pridnestroviana, tamén coñecida como República de Transnistria, proclamada independente da ex República Socialista Soviética de Moldavia en 1990, é expresión dun “conflito conxelado” que involucra a países como Moldavia, Rusia, Ucraína e Romanía, así como á Unión Europea. Enclavado no Leste europeo e no conflitivo espazo ex soviético, este Estado de feito, só recoñecido por Estados da súa mesma condición como Abxasia, Osetia do Sur e Nagorno Karabaj con apoio ruso, afronta unha andaina complexa que, necesariamente, obrigará a Bruxelas a retomar a iniciativa de negociación sobre o seu estatuto, en especial ante as aspiracións moldavas de ingresar na UE.
