Á luz do novo Dereito Internacional, apreciase un marcado cuestionamento da primacía do Estado como principal suxeito do ordenamento xurídico internacional, un factor que complica a súa actuación ante situacións de crise relacionadas co dereito á inxerencia e a responsabilidade de protexer. A preponderancia de novos conceptos xurídicos como a Seguridade Humana inflúe nas institucións internacionais, en especial no Consello de Seguridade da ONU, á hora de intervir política e militarmente nunha determinada crise humanitaria. Este artigo analiza as consecuencias destes novos conceptos e cómo afectan á soberanía dos Estados.
© 2001-2024 Fundación Dialnet · Todos los derechos reservados