Resumen de San Rosendo e a Serra de San Mamede
En Celanova Ilustrada repite Fray Benito de la Cueva que o territorio en que se ubicaba Villare pertencía a Don Hermenexildo, pai de Don Guterre e polo tanto avó de San Rosendo. Así (p. 345): «Vitiza, caballero principal de Alfonso III, rebélase contra el rey, y vencido por el conde Hermenegildo, abuelo de San Rosendo, el rey le da las tierras de aquel, entre las que está la villa de Villar.» Esas terras deberon de comprender todo, ou garn parte, do curso do Río Arnoya. É probabelmente desde entonces que a familia radica no veciño burgo de Vilanova. Coido ter probado en sendos artigos: «A familia rosendiana, principio de nobleza» (1), e «Historia en torno ò Santuario dos Milagres» (2), que o dito por Benito de la Cueva está apoiado por documentos do Tumbo do Mosteiro de Celanova. Ese legado, no que respecta ò espazo aludido, viuse grandemente incrementada por doazón de outras terras na cabeceira do Río Arnoia. Imos recoller agora o tema, e ascender o esqueiro terminal à Serra de San Mamede, descubrindo a importancia que tivo outrora na vida relixiosa, social e económica, precisamente dende San Rosendo.
