Resumen de “Aktibo!eus” ekimena UPV/EHUn: euskara hiztun aktiboak unibertsitatearen erronka gisa
José Ignacio Marko Juanikorena
2014an, EHUko Hezkuntzarako Laguntza Zerbitzuko Zuzendariaren ekimenez eta Euskampus Fundazioaren partaidetzaz, EHUko Giza, Gizarte eta Hezkuntza Zientzietako arlo eta talde ezberdinetako hainbat irakasle «Pertsona eleanitzak eta euskara hiztun aktiboak sortzea» lelo edo erronkaren inguruan elkartu ziren. “Aktibo!eus” proiektua izena hartu zuen ekimen horren helburua unibertsitateak euskararen erabileraren gaiarekiko eduki zezakeen arduraz hausnartzea eta balizko ekinbideak aztertzea izan zen. Artikulu honetan azalduko dugu taldeak problematika nola ulertu duen, prozesua nola egituratu eta garatu den, hausnarketa saioetan jasotako emaitza esanguratsuenak zeintzuk izan diren, eta, etorkizunera begira egin diren proposamenetatik eratorrita azaleratu den Gizarte Erantzukizunaren kontzeptu nagusiaz uler daitekeena Unibertsitatearen testuinguruan.
