Resumen de Os corpos das mulleres deportistas ao servizo do patriarcado
Cristina López Villar, Lucía Noya Casas, Marina Castro García
O fenómeno deportivo reproduce aspectos que se dan na sociedade en xeral. Nesta comunicación queremos analizar a presión patriarcal sobre as vestimentas das deportistas, e polo tanto, sobre os seus corpos, analizando diferentes polémicas. Os xogos de Londres 2012 foron os primeiros nos que as mulleres estiveron presentes nos 26 deportes olímpicos, superando en medallas, no caso de España, as mulleres aos homes. Estes aparentes avances na igualdade quedan atenuados cada vez que vivimos novos intentos de redución do deporte feminino á exhibición do corpo das deportistas.
