Resumen de A ILP do bosque consegue o apoio masivo da sociedade galega

• O pasado 22 de xuño, representantes da Comisión promotora da “Iniciativa Lexislativa Popular (ILP) para a protección e mellora dos hábitats de bosque autóctono, a racionalización da xestión do monte e a loita contra os incendios forestais”, e dos máis de 60 colectivos que integran a rede Cousa de Raíces e a Alianza Rural Galega, entregaron na Xunta Electoral de Galiza 42.561 sinaturas de apoio á ILP. Con este acto deuse por pechada a campaña a prol da chamada “ILP do bosque” na que se celebraron ducias de actos e participaron milleiros de persoas e centos de colectivos de toda a xeografía galega.