Resumen de Izenak eta adjetiboak automatikoki ateratzeko programa: bideak eta oztopoak
Konputabilitatea eta Hizkuntzalaritza, Chomskyk bere teorien onarpena lortu zuenez geroztik, ez dira gaur egun zerikusi gabeko disziplinak, baina Informatikak eta Komunikazioaren inguruko Teoriak Linguistikari oinarri teoriko berri bat zabaldu badio ere, erabilera mailan aurrerapenak beharrezkoak baino urriagoak izan dira. Zein itzulpen automatikoan,1 zein ikerketa mailan, emaitza motel eta zatituak baino besterik ez dira eman. Hizkuntzaren irakaskuntzan eta Mintzamenaren ulermen mekanikoan ere2 gauzak hobeagotu dira baina ez daude oso ederto.
Eta Euskadin? Ba, programa sakabanatu batzu kenduta ez dugu askorik lortu3: testu prozesagailuak oraindik ekiditzen ari gara eta FITXATEGIAK (Mitxelenaren hiztegiarenak, EUSKALTERM bera ere) eskuraezinezkoak dira osotasunean eta horrela iraungo duela dirudi: ez dirudi Azkue liburutegiko fondoak informatizatuko direnik eta Unibertsitateetan ere ezer gutxi lortu da. Horrela gaude ba, informazioaren hedakuntzan (egilearen eskubideak gordetzen dituen informazio hedakuntzan, noski) sinestu gabe.
