Resumen de Nor gara gu? Zer gara gu?: testu liburuek diotena.
Miren Gurutze Ezkurdia Arteaga
Euskal Herriko Unibertsitateko Hezkuntzaren Teoria eta Historia Sailean defendatutako "Identitatea eta Ingurunea Curriculumean" tesiari buruzko laburpena duzu hau, irakurle. Euskal Herrian XX. mendean testu liburuen bidez garatu den curriculum ofizialaren edukien azterketa egiten den ikerketa handi baten hirugarren fruitua da, oinarri berberean sustatzen baitira EHUk argitaratutako M. Begoña Bilbaoren tesia (2002) Kultura erreferenteak oinarrizko hezkuntzako curriculumean. Euskal Herriko eskoletan eta Karmele Perez Urrazarena ere (2003) Zientzia, teknologia eta lanbideen agerpena Euskal Herriko testu liburuetan, aldizkari honetan aspalditxo laburtuak eta komentatuak izan direnak, bestalde. Esku artean duzun honetan, ordea, inguruneak eta curriculumean hautatutako ezagutza ofizialak identitatearen eraikuntzan duten eragina aztertzen da, testu liburuetan lurraldeari eta historiari buruzko edukiei ematen zaien testuinguratzearen bidez. Ikerketari buruzko datu batzuk ematen ditugu lehenik, oinarri teorikoari buruzko aipamena egiten da ondoren, ikerketaren emaitzen laburpenarekin amaitzeko.
