Resumen de Igor Arroyo: "Gero eta jende gehiagok du hezkuntza ulertzeko ikusmolde berria, eta ziur nago bide horretatik adostasuna lortuko dugula".

• Euskal hezkuntzako erakunde eta eragileen aurpegi ezagunen artean, gazteenetakoa da Igor Arroyo iruñarrarena. Horregatik, beste askok zuzenean bizitutako garaiak ez zituen ezagutu berak, edo artean ume zen. Egoera horrek berak beste ikuspegi bat ematen dio gauzak aztertzeko, eta batez ere aurrera egiteko, etorkizunerako proposamen berriak planteatzeko. Izan ere, trapu eta kontu zaharren zamarik ez du.

  Soziologian lizentziatua da, eta egun Historia ikasketak egiten dihardu. Inoiz ez da azterketak gainditzera mugatu. Azterketek baino buruko min eta kezka gehiago sortu izan diote irakasteko moduek, eskola ereduak edota euskararen egoerak. Eraldatzeko behar horrek bultzata hartu zuen parte Ikasle Abertzaleak-en eta bertako bozeramaile ere izan zen.

  Orain EHBE Euskal Herriak Bere Eskola ekimeneko koordinatzailea da. Duela hiru urte sortutako egitasmo berri honen helburua euskal hezkuntza sistema propioaren bidean akuilu lana egitea da. Esaldi potolo horren azpian kontu asko biltzen dira, elkarrizketak frogatzen duen bezala.