Haurrek geroz eta gutxiago irakurtzen omen dute "Game boy" eta "Nintendo"ren garaiotan. Ordenagailuan, berriz, helduek fobia digitala kendu bitartean, etxeko txikiek erreparorik gabe sakatzen dituzte botoiak. Bideojolas eta txatean eskaintza zabala dute haurrek Internet sarean, baina helburu hezitzaileekin eurentzat propio sortutako web orririk apenas dagoen. Hutsune hori betetzeko eta haurrak irakurzaletzeko sortu da "Birakusi": uztartuta dauden aldizkaria eta web gunea. Ideia "Badator" irudimen elkarteko Ainhoa Redondo, Iker Torres eta Nagore Leozena da. Arte Ederretako eta Diseinuko ikasketak egin dituzte eta haurren mundua gertutik ezagutzen dute, irakasle eta begirale lanetan jardun izan baitute.
© 2001-2024 Fundación Dialnet · Todos los derechos reservados