Resumen de Zientzia, teknologia eta lanbideak Euskal Herriko testu liburuetan.
"Zientzia, teknologia eta lanbideen agerpena Euskal Herriko testu liburuetan" izenburua duen tesian 5. mailako "Ingurunearen Ezaguera" arloko testu liburuen euskal edukia aztertzen da. Hezkuntza sistema estatala eta bere baitan gauzatzen den ezagutza hegemonikoa -zientzia, teknika eta ekonomiaren ispilutzat hartzen dena- abiapuntutzat harturik, lanbideek duten euskal trataeraren bidez testu liburuak betetzen duen funtzio ideologikoa ikertzen da. XX. mendean zehar euskaraz ekoiztutako testu liburuen ikonografiaren zein testuaren eduki azterketaren ikerketa teknika erabiliz burutu da hustuketa lana, azterketa sinkroniko-diakroniko horretarako gaztelaniaz eta frantsesez ekoiztutako ale batzuk hartu arren.
