Resumen de Javier Murillo: "Ikasleak pozik joaten al dira eskolara? Zoriontsuak al dira eskola? Irakasleak zoriontsuak al dira beraien lanean? Hala bada, eskola ona izango da".
Madrilgo Unibertsitate Autonomoko irakasle hau ikerketa munduan eskarmentua duena da. Eskola aldaketaren eta eraginkortasunaren Ikerkuntza Sare Iberoamerikarreko (RINACE) koordinatzailea eta International Congress on School Effectiveness and Improvement erakundeko zuzendaritza batzordeko kidea da. Liburu eta artikulu ugari argitaratu ditu hezkuntzako kalitatea, ekitatea, eraginkortasuna eta aldaketaren inguruan, interes gehien pizten dion gaia izanik.
Madrilgo Hezkuntza eta Kultura Ministeritzako Hezkuntzako Ikerketa eta Dokumentazio Zentroan (CIDE) 12 urtez aritu da lanean, azken 6 urtetan ikasketen zuzendari moduan. 2002ko uztailean publikoki adierazi zuen EAEko hezkuntza sistemak ondo funtzionatzen zuela, eta adierazpen horien ondoren, bere kargutik kendua izan zen.
Hezkuntzaren ikerketan egin dituen lanak egin ondoren eta pilatu duen esperientzia bizkarrean duelarik, zeresan ugari du. Kalitate Legea hizpide harturik, kalitate kontzeptuaren azpian egon litekeenaz aritu gara berarekin.
