A Coruña, España
64 facultades e escolas imparten estudos de informática en universidades públicas e privadas do estado español, estudos que foron revisados, en todos os casos, na última década, por mor da adaptación ao EEES (plan Bolonia). Neste artigo exploramos a presenza de contidos que afonden nos conceptos de ética profesional no mundo da tecnoloxía nestes plans de estudos renovados, nun momento histórico no que as consecuencias socio-culturais da omnipresenza da tecnoloxía en xeral, e do software en particular, non son compatibles coa perspectiva tradicional dunha informática “neutra”. A nosa intención é pulsar a situación actual en relación a estes contidos como posible porta de introdución da perspectiva de xénero dun xeito explícito e non simplemente transversal. Lamentablemente, os datos mostran que, mesmo nas universidades máis destacadas do estado -en termos de número de estudantes totaisos estudos de informática non sempre presentan de xeito obrigatorio para o seu alumnado ese traballo de reflexión ética. Porén, aínda que a súa presenza aínda é moi minoritaria, si atopamos casos nos que a presenza obrigatoria deses contidos incorpora, ademais, a perspectiva de xénero: casos que poderían servir de exemplo para docentes con interese en construír un coñecemento informático non nesgado.
© 2001-2024 Fundación Dialnet · Todos los derechos reservados