Resumen de EUVOS. Europako Kultur Ondare Immateriala.: Europako hizkuntza ez-hegemonikoetan azpidazteko egitarau baterantz
Beatriz Zabalondo Loidi, Maria José Deogracias Horrillo, Patxi Azpillaga Goenaga
Europar Batasuneko estatuen ezaugarria da kultura eta hizkuntza aniztasuna; hori abiaburu duen ikerketa proiektua izan da EUVOS (2016-2019). Universidade de Santiago de Compostelak gidatu du ikerketa. Beste erakunde hauek ere partaide izan dira: Universidade de Vigo, Euskal Herriko Unibertsitatea (artikuluaren hiru autoreok) eta Universitat Oberta de Catalunya. Eskualdeetako edo Eremu Urriko Hizkuntzen Europako Gutunak estatuei proposatzen dieten neurrien artean, hizkuntza minorizatuetan azpidatziak bultzatzea aurreikusita dago. Artikulu honetan, hizkuntza hegemonikoetako zinematografien jatorrizko bertsioek euskaraz, galegoz eta katalanez azpidatzita zer-nolako isla duten erakusten da.
