Resumen de ReGaliza: Refresca a lingua
O proxecto ReGaliza xorde da idea de mesturar as artes plásticas coas artes literarias nun proceso creativo que une dúas áreas (arte e lingua) cunha meta en común: potenciar o uso da linguaxe visual e escrita, ademais de reivindicar o uso da lingua galega baixo unha mirada divertida e contemporánea, sen esquecer a orixe das raíces máis profundas da cultura de Galicia. Un proxecto que pon de manifesto a gran capacidade creativa e expresiva do alumnado, así como a habilidade de compartir a súa arte coa sociedade, nun día tan sinalado como o dedicado ás Letras Galegas.
