Resumen de Juan Luis Zabalaren "Agur, Euzkadi": modernitateko esentzia-egarri aseezina
Kultura globalean nazionalismoa gainditu beharreko ideologiatzat hartzeko joera badago ere, Euskal Herrian nazioak auzi politiko eta kultural funtsezkoenetakoa izaten jarraitzen du, funtsezkoena ez esatearren. Badira hamarkada batzuk nazio-irudikapen berrituak hasi direla plazaratzen gurean, eta euskal literaturak ere islatu du halako berrikuntzarik. Ez zaigu erraza euskaldunoi asmatzea zer egin mendeetako transmisioaren ondotik gureganaino iritsi den ondare kultural eta politikoarekin. Nazio kontuetan, gauzak beren onetik kanpo daudelako inpresioarekin bizi izan gara aspaldian. Beste zerbait behar dugu, eta hasteko, akaso beste modu bat zer garen eta nor garen irudikatzeko. Baina aurrerako bidea ez da batere argia, eta ez aurrera, ez atzera, nahikoa trabaturik gaudela dirudi. Juan Luis Zabalaren "Agur, Euzkadi" nobelak ere halako kontuak jorratu ditu, modu saiatu, zintzo eta iradokitzailean.
