Resumen de Mihigintzatik Marikobasora: prozesu baten kontakizuna
Euskara elkarteen gaineko tesia egiten ari nintzela, Tximintx elkartean hausnarketa prozesu bati ekin genion eta, tarteka, tesian ateratako ondorio batzuk txertatu genituen prozesu horretan. Abiatzeko dena prest genuenean, pandemia etorri eta prozesua hankaz gora jarri zen. Orduan, Tximintxek beste batzuekin batera Marikobaso izeneko espazioa sortu zuen Derion. Kontakizun honetan, tesitik abiatuta Marikobasoren lehen urteko ibilbidea marrazten da, kontuan hartuta hausnarketa prozesuak zer isla izan duen errealitatean. Elkartegintza prozesu arin batek zer bilakaerak, moldaketak eta ebaki-puntuak izan dituen aztertzen da, auto-etnografiatik gertuko ikuspuntu batetik.
