Resumen de Emigrante quen?: pequena cartografía da mobilidade en Galiza
Antía Pérez-Caramés, Keina Espiñeira
Para fuxir do aparente paradoxo de sermos un país no que temos ao mesmo tempo xente que emigra, pero tamén recibimos inmigración, podemos botar man das ferramentas que nos fornecen os pensamentos decoloniais para pensar as migracións entre territorios do sur global, escapando ao maniqueísmo simplista que os reduce a un xogo mecanicista de expulsión dende rexións empobrecidas e de atracción por parte dos países enriquecidos. A densa e longa historia migratoria galega e a produción en torno a ela poden interrogar o que o decolonialismo ten achegado para as reflexións sobre os movementos migratorios.
