Resumen de Galicia é un lugar extraordinario
Ser marimacho é un acto de fuxida e ser txarnega é un acto de resistencia. Fuxida é do xénero como concepto, alén da categoría. A marimachez non escapa de ser muller, senón de ser xénero, escapa de que esa categoría sexa definitoria. A txarneguidade resiste a asimilación no proceso migratorio e resiste a negación do mesmo. Leva ao diluír na memoria, a dicir: xa foi, xa pasou, e a dicir: non foi, non pasou. Resístese a mentir, porque o proceso migratorio non é un desprazamento, non é unha viaxe: é unha fractura, unha dor persistente e opaca no corpo social, unha dor que apunta insistentemente á evidencia de que ti non es só ti.
