Santiago de Compostela, España
Os novos desafíos da globalización operan como estímulos que levan a revalorizar por parte das elites nacionalistas os resortes institucionais que un Estado-nación aínda conserva para poñer en práctica políticas eficaces. A maior internacionalización das economías das nacións sen Estado, nomeadamente das máis prósperas, permítelles explotar mellor as súas oportunidades alén do corsé dos Estados-nación. Os Estados seguen a ser ollados como instrumentos eficientes para dotar de marcos de convivencia e socialización preferente aos cidadáns, e de ámbitos dentro dos que se poden arbitrar solucións axeitadas a desafíos e ameazas que, témese, borren do mapa as nacións sen Estado.
© 2001-2024 Fundación Dialnet · Todos los derechos reservados