Resumen de Casares Quiroga: De Lestrobe a San Sebastián
1930 foi un ano clave na historia contemporánea de España e de Galicia xa que nel asentáronse as bases que propiciarían a caída da monarquía e a proclamación do novo modelo político e territorial da II República. Entre os feitos acontecidos nese ano cabe resaltar a relevancia de senllos pactos políticos: para Galicia, o Pacto de Lestrobe, para o conxunto do Estado, o Pacto de San Sebastián. Neles estivo presente o republicano coruñés Santiago Casares Quiroga. Analizando a Acta íntegra do Pacto de Lestrobe, ata agora non estudiada, e os testemuños coetáneos e presenciais aos feitos, revísase o papel desenvolvido por Casares Quiroga neses pactos así como os acordos adoptados.
