Resumen de Xenealoxía dunha familia da parroquia de Santo André de Chamoso: os Díaz
Nos últimos anos están a levarse a cabo máis estudos historiográficos relacionados coa historia local, especialmente coa xenealoxía e os entroncamentos de localidades medianas ou pequenas. Neste traballo quixemos continuar esa tendencia e dar a coñecer como se desenvolveu a xenealoxía dunha familia do Concello do Corgo, concretamente da parroquia de Santo André de Chamoso.
Veremos que as persoas mencionadas tendían a moverse bastante por distintos motivos:
casamento con outra persoa de distinta parroquia, incluso fose do actual Concello, ao non haber con quen casar na súa ou non entrar na estratexia familiar; por pertencer a unha aldea dunha parroquia lindeira a outra; por oficio, como no caso dos escribáns ou párrocos que aparecerán ao longo destas páxinas; por emigración natural e unha longa listaxe máis
