Resumen de El Chigre asturianu
Nun artículu dedicáu al chigre lo que'hai que plantegase de mano ye qué tipu de negocios abarca esti términu. Ya abonda la variedá d'establecimientos dedicaos a servir bebies al públicu: cafeteríes, cerveceríes, bares, "pubs"... a los que n'Asturies hai que'axuntar les sidreríes. Si desplicáramos que'l chigre correspuende a lo qu'en España s'entiende por tabierna, tampoco nun sesclaria munchu el significau del términu porque la propia pallabra "tabierna" tien anguaño un significáu imprecisu anque, polo menos, indica que'l chigre va ser un tipu de negociu empobináu a les clases humildoses de la sociedá.
