Información General

• Autores: Xavier Alcalá, María Pilar Jiménez Aleixandre, Fran Alonso, Xurxo Borrazás, Paula Carballeira Cabana, Ramón Caride, Uxía Casal Silva, Henrique Dacosta, Lois Diéguez, Ánxela Loureiro Fernández, Bieito Iglesias Araujo, Manuel Carlos Núñez Singala, Román Raña Lama, Xosé Luís de Toro Santos, Suso de Toro, Xosé Vázquez Pintor, Luísa Villalta, Agustín Fernández Paz
• Editores: Edicións Xerais
• Año de publicación: 2002
• País: España
• Idioma: gallego
• ISBN: 978-84-8302-812-4, 84-8302-812-3
• Texto completo no disponible (Saber más ...)

Otros catálogos

• Red de Bibliotecas Universitarias (REBIUN)

Descripción principal

• Longa lingua xorde dunha proposta que ao tempo é un reto: escribir un relato co que tentar reflectir e interpretar a nosa realidade lingüística. O resultado: 18 narradoras e narradores que, a petición da Mesa pola Normalización Lingüística e publicado por Xerais, poñen nas nosas mans a súa peculiar visión do noso idioma e da súa situación social, nun volume insólito que demostra unha vez máis que compromiso e literatura poden ir da man axudándonos a entender e interpretar o mundo que nos rodea. Porque, parafraseando a Rilke, a lingua é a auténtica patria dos galegos e galegas.

  Botando man da innegable capacidade que a literatura ten para interpretar a realidade que a rodea, A Mesa propúxolles aos narradores e narradoras socios e socias da organización un exercicio de interpretación da realidade lingüística galega: escribir un relato no que se achegasen, desde a perspectiva que lles parecese máis interesante, a algunha das caras que presenta hoxe a situación da nosa lingua. Longa lingua é o resultado desa proposta, un volume que Xerais pon na man dos lectores e no que 18 autores e autoras nos ofrecen o seu particular achegamento á nosa lingua desde múltiples perspectivas. É, en definitiva, unha contribución á interpretación da nosa realidade lingüística e un convite para a reflexión e o debate que, a partir da literatura, pode suscitar a situación actual do galego.

  A Mesa pola Normalización Lingüística é unha organización social, plural e apartidaria, que, desde o seu nacemento no ano 1986, ten como obxectivo desenvolver iniciativas destinadas a conseguir unha maior presencia social do galego e un maior respecto polos nosos dereitos lingüísticos. Ao longo destes anos A Mesa desenvolveu un intenso traballo de dinamización social a favor da lingua desde unha vontade integradora, tentando implicar no seu traballo a todo tipo de colectivos e entidades, para conseguir así maiores e mellores resultados na reivindicación da lingua.