Resumen de A educación en Galicia en perspectiva: alicerces para o porvir
Alexandre Sotelino Losada (coord.)
O porvir ten sido sempre unha expresión que anuncia, e mesmo condensa, cobizas individuais e colectivas, moduladas no tempo por expectativas xeradas na singularidade de circunstancias que artellan marcos de representación sociocultural, acordes, en maior ou menor medida, coa experiencia e a traxectoria das persoas e as súas contornas familiares. Nese senso, a educación, e os procesos que comporta como grande alicerce de progreso e desenvolvemento, ten conformado –non sen serios atrancos– o imaxinario optimizado dunha Galicia capaz de proporcionar á súa cidadanía rutas de formación, dentro e fóra de escolas, institutos e facultades, en absoluto afastadas dos desafíos que compartimos no complexo panorama dun mundo interdependente. As páxinas desta obra amosan unha libre, ao tempo que solidaria, vontade de proxectar,con criterio propio, o desexo común de que Galicia continúe avanzando coa máis sólida das garantías para o seu futuro: o coidado da educación.
