Materialen arloan sortzen ari diren aurrerapenek eragin handia dute gure eguneroko bizitzan eta, halaber, produkzio-sarean. Ez dago eremurik non material berrien oihartzuna nabaritzen ez den: medikuntza, energia, garraioa, eraikuntza, elektronika, oihalgintza, etab. Materialen ikerkuntzan eta garapenean funtsezkoa da Egitura-Prozesaketa-Propietateak-Aplikazioak korrelazioa; beraz, materialen zientzia eta teknologia zeharkakoa da izatez. Euskal Herrian baditugu hainbat ingeniari, fisikari, kimikari eta biologo, materialen zientzia eta teknologia garatzen ari direnak, bai unibertsitate, bai zentro teknologiko eta enpresetan. Pertsona horien interesak, ikuspegiak eta lorpenak azaltzeko antolatu zen 2012an Arrasaten Materialen Zientzia eta Teknologia I kongresua, zeinetan 100 pertsona inguru elkartu baikinen. Orain dela bi urte hartutako konpromisoari helduz, eta harian haritik jarraituz, aurten Materialen Zientzia eta Teknologia II kongresua antolatu dugu.
© 2001-2024 Fundación Dialnet · Todos los derechos reservados