Resumen de Ibilbide akademiko-profesionalak prekarizazio estratifikatuaren garaian: meritokrazia auzitan
Ikerketa honek meritokrazia jartzen du auzitan. Horretarako ibilbide akademiko-profesionalak hartzen ditu aztergai, hain zuzen Donostialdean umetatik bizi izan direnena eta, aldi berean, elkarrizketaren unean 28 eta 33 urte artean zituztenena (elkarrizketak 2007 eta 2009 urteen artean egin ditugu). Diskurtso meritokratikoaren arabera, gaitasun eta ahalegin indibidualak jartzen du bakoitza bere posizo sozialean. Aitzitik, ikerketa honetan beste eredu bat proposatzen dugu: ibilbide akademiko-profesionalei dagokienez, posizio-hartzea gutxienez lau erakunde sozialen arteko negoziazio prozesuaren emaitza da (norbanakoa, familia, hezkuntza sistema eta enplegua), baina erakundeen artekoa ez ezik erakunde bakoitzaren baitako negoziazioa ere funtsezkoa da."
